Popular Bible Verses from 1 Corintios 12

Share

Diosmi sapakamaman Chuya Espiritupa atiyninta qon, llapallanpa allinninpaq.

Qamkunaqa Cristopa cuerponmi kankichik, sapakamam chay cuerpopa parten kankichik.

Cuerpopa hukkaqnin parten ñakariptinqa wakiqninkupas ñakarintaqmi, huknin parten allin kuyasqa kaptinqa llapallantaqmi kusikunku.

Espirituntakamam wakinman atiyta qon yachaywan rimananpaq, wakinmanñataq yuyaywan rimananpaq. Chay Espirituntakamallataqmi wakinmanpas qon iñiy atiyta, wakinmanñataqmi onqoqkunata sanoyachinanpaq, wakinmanñataq milagrokuna ruwananpaq, wakinmanñataqmi profetizananpaq, wakinmanñataq espiritukunata reqsinanpaq, wakinmanñataq mana reqsisqa rimaykunata rimananpaq, wakinmanñataq chay rimaykuna uyarisqanta interpretananpaq.

Aswanqa tukuy kaykunataqa ruwan kikin Chuya Espiritullam, paymi munasqanman hina sapakamaman kaykunataqa qon.

chaynapi cuerpopi kaqkunaqa mana rakinasqa kanankupaq, aswanqa llapanku hukninkumanta hukninkukama yanapanakunankupaq.

Tukuy rikchaq atiykunam kan, Espiritum ichaqa hina kaqlla. Achka llamkaykunam kan servikunapaq, Señormi ichaqa hina kaqlla. Atiypa tukuy rikchaq ruwayninkunam kan, ichaqa kikin Diosllam atiyninwan llapa runakunapi ruwan.

Diosmi iglesiapi puntata churarqa apostolkunata, iskay kaqpiñataq profetakunata, kimsa kaqpiñataq yachachiqkunata, chaymantañataq milagrokuna ruwaqkunata, onqoqkuna sanoyachiqkunata, yanapakuqkunata, imamantapas nanachikuqkunata hinaspa mana yachasqanchik rimaykuna rimaqkunata.

Cuerpoqa manam huk parteyuqllachu aswanqa achka parteyuqmi.

Aswanqa cuerpopa manayniraq hina parten kaqkunataraqmi mastaqa necesitanchikpas

Lliw cuerpo ñawilla kaptinqa ¿maypitaq rinriqa kanman? Otaq lliw cuerpo rinrilla kaptinqa ¿maypitaq senqaqa kanman? Chaynaqa, Diosmi cuerpopa partenkunataqa maymi munasqan sitiopi churarqa. Sichum llapallan partekuna huknillan kaptinqa ¿maypitaq cuerpoqa kanman?