Popular Bible Verses from Room 14

Share

Mbʋ́ pʋyɔɔ yɔ, Ɛsɔ Kewiyaɣ tɔm tɛkɛ tɔɔnaɣ nɛ sʋlʋm pa-ñɩndʋ. Ɛlɛ́, pɩkɛ mbʋ́ Fezuu Kiɖeɖeu haɣ yɔ. Ḿbʋ́ yɔ: tʋʋzʋʋ nɛ laŋhɛzɩyɛ nɛ laŋhʋlʋmɩyɛ. Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Mbʋ́ pʋyɔɔ yɔ, yee ɖɩwɛ wezuu yɔ, ɖɩwɛɛ se ɖɩɖʋ Kɩpaɣlʋ hɩɖɛ. Yee ɖɩsɩkɩ yɔ, ɖɩsɩkɩ se ɖɩɖʋ-ɩ hɩɖɛ ɖɔɖɔ. Pʋ-yɔɔ lɛ, paa ɖɩwɛ wezuu yaa ɖɩsɩba yɔ, ɖɩkɛ Kɩpaɣlʋ ñɩma.

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Điyele ɖama tɔm hʋnaʋ. Ɛlɛ́, ɩɖʋ kpem se: ɩɩlakɩ nabʋyʋ nɛ piyele putuuli mɩ-taabalʋ yaa pɩpɛɖɩ-ɩ kɩwɛɛkɩm taa.

Mbʋ́ pʋyɔɔ yɔ, pama Ɛsɔtɔm Takayaɣ taa se: «Ma Kɩpaɣlʋ lɛ, mankaɖɩɣ kpayɩ se: ɛyáa tɩŋa payɩ kaɣ luŋuu mɛn-tɛɛ nɛ paa weyi ɛyɔɔdɩ nɛ pʋkʋyɩ ɛsɔdaa se ma lɛ Ɛsɔ.» Pʋ-yɔɔ lɛ, paa ɖa-taa weyi lɛ, ɛkɔŋ heyuu Ɛsɔ mbʋ́ ɛlaba yɔ nɛ ɛ-maɣmaɣ ɛ-nɔɔ.

Ɩmʋ weyi ɛwɛnɩ ɛjandʋ e-lidaʋ wɛnaʋ taa yɔ ɛ-tɔm, ɩtaakpɛzɩnɩ-ɩ.

Ña anɩ nɛ ŋkpɛzɩɣnɩ lɛlʋ tʋmlaɖʋ? Yee ɛlakɩ ɖeu ɛ-tʋmɩyɛ taa yaa ɛɛlakɩ lɛ, pɩna-ŋ nɛ we? Ɛ-caa cɔlɔ lɛ. Ɛkɔŋ labʋ ɖeu, mbʋ́ pʋyɔɔ yɔ, Kɩpaɣlʋ wɛnɩ ɖoŋ se ɛsɩnɩ-ɩ nɛ ɛla mbʋ́ pʋwɛ ɖeu yɔ.