Popular Bible Verses from Room 12

Share

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

Mɩ-laŋa ɛhʋlʋmɩ mɩ-ɖaŋʋʋ yɔɔ. Ɩɖɔkɩ mɩ-hɔ kʋñɔmɩŋ taa. Ɩwɛɛ Ɛsɔ sɛʋ yɔɔ tam.

Taayele ña-tɩ nɛ kɩdɛkɛdɩm wabɩ-ŋ. Ɛlɛ́, pʋwɛɛ se ŋla mbʋ́ pʋwɛ ɖeu yɔ nɛ ŋwabɩnɩ-pʋ.

Ɩsɔɔlɩ ɖama ɛzɩ pʋmʋnaʋ se Yesu ŋgbɛyɛ taa ñɩma ɛsɔɔlɩ ɖama yɔ. Pɩlabɩ-mɩ hʋnʋm nɛ ɩña ɖama.

Pʋwɛɛ se ɩsɔɔlɩ ɛyáa nɛ mɩ-laŋɩyɛ tɩŋa pilim. Ikizi mbʋ́ pɩfɛyɩ ɖeu yɔ kpem. Mɩ-ɛsɩyɛ ɛsɛɛnɩ mbʋ́ pʋwɛ ɖeu yɔ.

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Man-taabalaa kʋsɔɔlaa, mɩ-maɣmaɣ ɩtaahɛyɩ ɛyáa mbʋ́ palabɩ-mɩ pɩfɛyɩ ɖeu yɔ. Ɛlɛ́, iyele se Ɛsɔ pana ɛkpanɩnɩ-wɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Mɛhɛyɩɣnɩ ɛyáa mbʋ́ palabɩ pɩfɛyɩ ɖeu yɔ.» Đa-Kɩpaɣlʋ yɔɔdɩnɩ ḿbʋ́.

Ɩla tʋmɩyɛ, fendu ɛtaakpa-mɩ. Ɩla Kɩpaɣlʋ tʋmɩyɛ nɛ mɩ-laŋa tɩŋa pilim.

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

Ɩtaala nɔɔyʋ taŋ labɩ-m malakɩ-ɩ. Ɩñaɣ pana nɛ ɩla mbʋ́ pʋwɛ ɖeu yɔ paa weyi ɛ-ɛsɩndaa.

Ɩnɩɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ́, ɩmaɣzɩ mbʋ́ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa.

Pamawa ɖɔɖɔ se: «Yee ñɔɔsɩ ɛwɩɣ ño-koyindu yɔ, ha-ɩ tɔɔnaɣ nɛ ɛtɔɔ. Yee lɔkɔtʋ ɛkpa-ɩ yɔ, ha-ɩ lɩm nɛ ɛñɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, pʋwɛɣ ɛzɩ ŋhuti ɛ-ñʋʋ taa miŋ nɛ mamala yɔ.»

Itendi Ɛsɔ se ɛ́wazɩ mbá pɛwɛ mɩ-wayɩ kaŋ kaŋ yɔ pɔ-yɔɔ. Itendi-i se ɛ́wazɩ pɔ-yɔɔ, ɩtaawɩlɩ-wɛ kpalʋʋ. Mɩ nɛ mbá pamayɩɣ amaya yɔ, ɩkpɛndɩ ɩmayɩ. Mɩ nɛ mbá paba wiliɣ yɔ, ɩkpɛndɩ iwili.

Ɩsɩnɩ mɩ-taabalaa Ɛsɔ ñɩma mbá pɛwɛ kʋñɔŋ taa yɔ. Ɩmʋ mbá pɔkɔŋ mɩ-tɛ yɔ camɩyɛ.

Ɛyʋ wɛnɩ tomnaɣ kʋɖʋmaɣ, ɛlɛ́, kɛwɛnɩ hɔɔlɩŋ ndɩ ndɩ. Paa ŋ́gʋ́ nɛ kʋ-tʋmɩyɛ. Ḿbʋ́ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ.