Popular Bible Verses from Maarkɩ 7

Share

Mbʋ́ pʋyɔɔ yɔ, ɛyʋ taa lɩmaɣza kɩdɛkɛdɛɛ lɩɣna se ɛla acɛyɛ nɛ ɛmɩlɩ nɛ ɛkʋ ɛyáa nɛ ɛkpaɣ lɛlaa halaa nɛ ɛɖʋ ɛsɩyɛ lɛlaa ñɩm yɔɔ nɛ ɛla kañatʋ nɛ ɛcɛtɩ ɛyáa nɛ ɛla yem yem nɛ ɛwɛɛ ɛsɩsɛmɩyɛ nɛ ɛcɛtɩnɩ lɛlaa taa nɛ ɛkpazɩ ɛ-tɩ nɛ ɛla kɩmɛlɛndʋ. Ɛzaɣ́tʋ tʋnɛ tɩtɩŋa payɩ tɩlɩɣnɩnɩ ɛyʋ taa nɛ tipisiɣ-i.

Nabʋyʋ fɛyɩ se pitiki ɛyʋ taa nɛ pipisi-i Ɛsɔ ɛsɩndaa. Ɛlɛ́, mbʋ́ pɩlɩɣnɩ ɛ-taa yɔ, ḿbʋ́ pisiɣni-i. [

Yesu cosi-wɛ se: «Tɛɛ nɛ pʋ-yɔɔ ñɩma mɩ! Mɩ lɛ mbá Ɛsɔ yɔɔdɩ pɔ-tɔm nɛ Ezaayii susi-tʋ camɩyɛ nɛ ɛma ɛ-takayaɣ taa yɔ. Ńdʋ́ lɛ se: ‹Ɛyáa panɛ pasaŋ-m nɛ nɔɔ yem. Pa-laŋa taa lɛ, pɔtɔsɔɔlɩ-m paa ñɩɩɩ.

Pasaŋ-m nɛ palaɣ-m kɩlaŋ, ɛlɛ́ pɩfɛyɩ-m kɛzɛɣa nakɛyɛ. Mbʋ́ pʋyɔɔ yɔ, paɣtʋ ndʋ́ pawɩlɩɣnɩ abalɩtʋ yɔ, tɩkɛ ɛyáa paɣtʋ nɛ papɩsɩ-tʋ ɛzɩ ma-ñɩndʋ yɔ nɛ pawɩlɩɣ.› »

Peeɖe Yesu heyi-wɛ se: «Iyebi Ɛsɔ paɣtʋ nɛ ɩnɩɣnɩ ndʋ́ ɛyáa maɣmaɣ ɖʋwa yɔ.»