Popular Bible Verses from Irimia 23

Share

An bhféadann aon duine é féin a fholach i gcúinne dorcha agus nach bhfeicfidh mise é?–an Tiarna a labhraíonn. Nach líonann mise neamh agus talamh?–an Tiarna a labhraíonn.

Feach, tá na laethanta ag teacht–an Tiarna a labhraíonn– agus ardóidh mé do Dháiví beangán fíréanta; rialóidh sé ina rí go críonna, agus déanfaidh sé breithiúnas agus ceart sa talamh. Ina laethanta siúd sábhálfar Iúdá agus cónóidh Iosrael faoi dhóchas. Is é seo an t‑ainm a bhéarfar air: An Tiarna ár bhfíréantacht.

“Is mairg do na haoirí a ligeann do chaoirigh mʼinnilte imeacht ar aimhleas agus ar fán–an Tiarna a labhraíonn.

Ach cruinneoidh mé féin fuílleach mo thréada as gach uile thír inar dhíbir mé iad, agus tabharfaidh mé ar ais iad chun a dtalamh féaraigh: beidh siad síolmhar agus méadófar iad. Cuirfidh mé aoirí os a gcionn a bheathóidh iad; ní bheidh eagla orthu níos mó, ná uamhan; ní bheidh easnamh ar bith orthu–an Tiarna a labhraíonn.

Is mar seo a deir Tiarna na Slua: Ná héistigí le briathra na bhfáithe úd; is do bhur mealladh atá siad, aithriseann siad físeanna a gcroí féin, agus ní as béal an Tiarna