Popular Bible Verses from Bene Loma 4

Share

Wakatolelela kushoma. Taakwe kutonsha paceeco Lesa ncaakamushomesha. Ncakwiila wakashoma cankusu akumulumbaisha. Abulaamu wakalinga kushoma cancinencine ayi Lesa ulakonsha kucita kweelana ambwaakashomesha.

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Abulaamu wakashoma akulangila nakubi kwaamba ayi cakalinga kuboneka anga teshi cikacitike. Aboobo wakaba mushali wa mishobo yoonse. Kweelana abwaamba Malembo akwe Lesa ayi, “Bamulunyungu lwako balaakufula mbuli nyenyeenshi.”

Lesa wakashomesha mukwiinga Abulaamu wakamushoma kwaamba ayi bamulunyungu lwakwe Abulaamu batambule cipo muluse lwakwe. Teshi kubaabo bakonkela Milawo beenka. Sombi abaabo bashoma bwakashoma Abulaamu ceebo Abulaamu ngoishiwesu soonse sotushoma.

Wakaamba ayi, “Balicite coolwe abo Lesa mbaalekelela shibiibi shabo, abo bacite shibiibi nshaakashiminganya! Balicite coolwe abo Lesa mbwaateebalukili shibiibi shabo.”

Malembo akwe Lesa alaamba ayi, “Ceebo cakwaamba ayi Abulaamu wakashoma Lesa, aboobo Lesa wakamwaamba ayi uliluleme.”