Popular Bible Verses from 1 Jn 2

Share

Meera li ruuchich'och' chi moko li k'a'aq re ru wank sa' ruuchich'och'. Wi wank junaq naxra li ruuchich'och', moko wank ta li xrahom li Yuwa'b'ej rik'in. Xb'aan naq chixjunil li k'a'aq re ru wank sa' ruuchich'och' (li ratawankil li naraj li tz'ejwalej, li ratawankil li naraj li xsa' uhej ut li q'etq'etil xb'aan li b'ihomal) moko rik'in ta li Yuwa'b'ej nachalk, rik'in b'an li ruuchich'och'.

Li ruuchich'och' ut li na'atawaak xb'aan, yal aj numeleb'; a'ut li nab'aanunk re li rajom li Yos a'an wanq chi junelik.

Ani nayehok naq wank rik'in li Yos, tento taawanq jo' naq kiwank li Jesus.

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

Wi junaq nayehok: “Laa'in ninnaw ru”, ut wi ink'a' naxpaab' li xchaq'rab', a'an aj tik'ti' ut maak'a' li yaal rik'in.

A'an a'in naqanaw wi' naq naqanaw ru li Yos, wi naqapaab' eb' li xchaq'rab'.

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

Ani laj tik'ti'? Ma maawa' tab'i' li nayehok naq li Jesus maawa' li Kriist? A'an a'in laj Tz'eqtaanahom re li Kriist: a' li naxtz'eqtaana li Yuwa'b'ej ut li K'ajolb'ej.

Chixjunil li ink'a' nach'olob'ank chirix li K'ajolb'ej, a'in maak'a' li Yuwa'b'ej rik'in; ab'an li nach'olob'ank chirix li K'ajolb'ej, wank li Yuwa'b'ej rik'in.