Popular Bible Verses from Romanos 7

Share

¡Yosëíchin nanitaparin! Sinioro Quisocristo imarahuë niꞌton, ina catahuarinco. Ina marëꞌ: “Yosparinquën Tata Yosë,” itërahuë. Tëhuënchachin cancanëhuë quëran Yosë yanatëpirahuëꞌ, co noyahuëꞌ cancantato, co noyahuëꞌ ninahuë.

Caora co noyahuëꞌ cancantërahuë. Co nanitërahuëꞌ noya nicaꞌhuasoꞌ. Inachinco. Yosë yanatëpirahuëꞌ, caora co nanitërahuëꞌ natëcaꞌhuasoꞌ.

Noya nicaꞌhuasoꞌ nohuantopirahuëꞌ, co noyahuëꞌ ninahuë. Co yaoshahuanpirahuëꞌ, oshahuanahuë.

Co nohuantopirahuëꞌ, co noyahuëꞌ ninahuë. Co noyahuëꞌ cancantërahuësoꞌ canarinco.

Noya nicaꞌhuasoꞌ nohuantopirahuëꞌ, co noyahuëꞌ cancantato, co noyahuëꞌ nicaꞌhuasoráchin yonquiconahuë. Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Co nohuantopirahuëꞌ, co noyahuëꞌ ninahuë. Ina marëꞌ co noya cancantërahuëꞌ. Yonquinëhuë quëran nitotërahuë. Tëhuënchachin pënëntërinsoꞌ noya, tënahuë.