Popular Bible Verses from Marcos 7

Share

Acopoꞌ cancanëma quëran co noyahuëꞌ yonquiramasopita pipirin. Co noyahuëꞌ yonquihuatamaꞌ, monshihuanamaꞌ, ihuatëramaꞌ, tëpatëramaꞌ. Nitëhuananpitëramaꞌ. Paꞌyatacasoráchin cancantëramaꞌ. Aꞌnapita maꞌshanën noyaparamaꞌ. Co noyahuëꞌ ninamaꞌ. Nonpinamaꞌ. Nisha nisha co noyahuëꞌ ninamasoꞌ co yaaꞌporamahuëꞌ. Apiraramaꞌ. Pinotëramaꞌ. “Casoꞌ co aꞌnapita pochincohuëꞌ. Noya noyaco,” toconamaꞌ. Co yonquinahuanhuëꞌ ninamaꞌ. Co noyahuëꞌ yonquihuatamara, ina pochin ninamaꞌ. Ina marëꞌ oshahuanamaꞌ, itërin Quisosori.

Co mantaꞌ maꞌsha yaꞌhuërinhuëꞌ nonënpoaquë yaꞌconahuaton, aoshahuaninpoasoꞌ. Cancanënpoa quëran pipirinsoꞌ tëhuënchinsoꞌ aoshahuaninpoaꞌ. [

—Co noꞌtëquën iyaroꞌsaꞌ yonquiramahuëꞌ. “Yosë imarai,” topiramahuëꞌ, co imaramahuëꞌ. Canpitasoꞌ nonpintënquëmaꞌ. Iráca Yosë quiricanënquë Isaiasë noꞌtëquën ninorinquëmaꞌ: “Isopita piyapiꞌsasoꞌ nanamëna quëran noya nontopirinacohuëꞌ, co cancanëna quëran imarinacohuëꞌ.

‘Yosë pënëntërinsoꞌ aꞌchinarai,’ topirinahuëꞌ, inahuara yonquipisoꞌ niaꞌchintapi. Napoaton topinan quëran chinotërinaco,” tënin Yosë. Iráca Isaiasë ninshitaton, naporin.

Inapochachin canpitantaꞌ Yosë pënëninpoasoꞌ naniantahuatomaꞌ, piyapiꞌsaꞌ aꞌchinpisoꞌ natërama huachi, itërin.