Napohuachina, Quisosori nosoroaton, aꞌnaroáchin sopai nontërin.
—¡Iso quëmapi quëran pipico huachi! itërin. Ina natanahuaton, sopairi chiníquën aꞌpanirin.
—¿Maꞌtaꞌ yaonpotarancoi? Quëmasoꞌ Quisosonquën, Yosë huiꞌninquën niꞌton, chini chiníquën nanantëran. Yosë marëꞌ ama apira aparisitocoisohuëꞌ, itërin.
—¿Maꞌninquëntaꞌ quëmasoꞌ? itërin Quisosori.
—Naꞌacoi niꞌtoi, “naꞌa huaranca,” itërinacoi.