Popular Bible Verses from Marcos 14

Share

Amashamiachin paꞌsahuaton, isonconahuaton, noꞌpaquë huarëꞌ monshomarin. Inaquë Yosë nontarin. “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantaporahuëꞌ, quëma nohuantohuatan, maꞌsona yaonpotohuatancontaꞌ noya, tënahuë. Noꞌtëquën yanatëranquën,” itërin.

Ama huëꞌëtomahuëꞌ, niꞌtácoꞌ. Yosë nontácoꞌ ama sopai minsëinquëmaso marëhuëꞌ. Cancanëma quëran Yosë yanatëpiramahuëꞌ, co canpitaora chiníquën cancantëramahuëꞌ, itërin.

Noꞌtëquën itaranquëmaꞌ. Insëquësona noya nanan shaꞌhuihuachinaꞌ, iso sanapi napotërincosoꞌ shaꞌhuirapi antaꞌ. Co naniantapihuëꞌ, tënin.

—Paꞌpi sëtërahuë. Chiminchináchin sëtërahuë. Isëquë huënsëtacoꞌ. Ama huëꞌëtomarahuëꞌ, niꞌtácoꞌ, itërin.

Coshatasoiꞌ, pan masahuaton, Yosë nontërin. “Yosparinquën Tata,” itahuaton, sëꞌpanin. Ina quëran, caꞌtanoꞌsanënpita quëtëraꞌpiarin. —Caꞌcoꞌ iyaroꞌsaꞌ. Ca nonëhuë pochin isoꞌ, itërin.

Minëaꞌhuantaꞌ masahuaton, “Yosparinquën Tata,” itahuaton, inantaꞌ quëtërin. Quëtohuachina, yaꞌipi oꞌopi. —Ca huënainëhuë pochin isoꞌ. Huënainëhuë paꞌsarin niꞌton, nasha quëran canpitarëꞌ Yosë anoyatërinsoꞌ shaꞌhuichinquëmaꞌ imacamaso marëꞌ. Chiminarahuë naꞌa piyapiꞌsaꞌ oshanënaꞌ inquitaꞌhuaso marëꞌ.

Inaquë Quisosori itapon: —Tëhuënchachin yaꞌipinquëmaꞌ taꞌananpiaramaco. Iráca quiricanënquë ninoton, Yosë naporin. “Ca nohuanto, pëꞌtahuatonaꞌpi tëpaapi. Tëpahuachinaꞌ, ohuicanënpita yanquëërapi,” tënin. Ipora tashi chachin napoaramaꞌ.

Huënsëcoꞌ paꞌahuaꞌ. Niꞌcoꞌ. Shaꞌhuirapiarincosoꞌ nani canquiarin, itërin.

—Noꞌtëquën iyasha itaranquën. Ipora tashi chachin coꞌhuara atari catoroꞌ përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.