Popular Bible Verses from Lucas 1

Share

Yosë yaꞌipi nanitaparin, itërin anquëniri.

—Inta nipachin. Yosëíchin casoꞌ natëarahuë. Ina nohuanton, huaꞌhuahuë yaꞌhuëꞌin nipachin, tënin Maria. Napotohuachina, anquëni paꞌnin.

—Ispirito Santo nohuanton, quëmaora huaꞌhuanaran. Yosë topinan yonquiarapirinquënhuëꞌ, cayoaran. Napoaton huaꞌhuan, Yosë huiꞌnin chachin nisarin. Co piꞌpisha tërantaꞌ oshahuanaponhuëꞌ.

“Yosë noꞌtëquën nontërinco,” tënanso marëꞌ inasoꞌ noya niꞌninquën. Shaꞌhuitërinquënso chachin acotarinquën, itërin Isapirari.

Natanco shaꞌhuichinquën. Quëmasoꞌ huaꞌhuanaran. Quëmapiaꞌhuaya huaihuatan, Quisoso itëquëꞌ. Mashotohuachin, chiníquën nanantarin. Inasoꞌ Yosë huiꞌnin. Yosë nohuanton, copirno yaꞌconarin. Iráca Tata masho Tapi israiroꞌsaꞌ noya huaꞌanëntopirinhuëꞌ. Ina quëran chiminin. Iporaso nipirinhuëꞌ huaꞌhuani huaꞌanëntomiatarin. Co onporontaꞌ pipirarinhuëꞌ, itërin anquëniri.

—Ama Maria, paꞌyanquësohuëꞌ. Yosë noya niꞌninquën.