Popular Bible Verses from Éxodo 5

Share

Ina quëran Moisësëso Aaronë chachin, Iquipito copirno nontapona paꞌpi. Quënanconahuatona itaponaꞌ: —Israiroꞌsacoi Sinioro chinotëraisoꞌ, nanan aꞌpatatënquën naporin: “Israiroꞌsasoꞌ, piyapinëhuëpita. Aꞌpaquë inotëro parti paꞌinaꞌ, inaquë chinotatonaco capa cancanchinaꞌ,” tënin, itopi.

Isëquë canquirahuato, nanan quëtërancoso copirno shaꞌhuitërahuë. Ina natanaponahuëꞌ, aquë aquëtë chachin piyapinënpita aparisitarin. Quëmarinta ina nicaponahuëꞌ, co yanichaꞌëranhuëꞌ, itërin.

Napotohuachinara, Moisësë Yosë nontërin: —Sinioro. ¿Onpoatonta piyapinënpita naꞌcon naꞌcon aparisitaran? Co ipora piyapinënpita naꞌcon naꞌcon aparisitacaso marëꞌ aꞌparancohuëꞌ.

Napotopirinahuëꞌ: —¿Ma Siniorocha inaso nicaya? ¿Ina canta natëi topiramahuë ti? ¡Co caso canpita Sinioro chinotëramaso nohuitërahuëꞌ! ¡Naporahuaton co onporonta aꞌpaꞌhuanquëmaso yaꞌhuërinhuëꞌ! itërin copirnori.

Napoaponahuëꞌ, onposona natricho nisapisoꞌ, nápo chachin acocaiso yaꞌhuërin. Israiroꞌsaso chirotëroꞌsa niꞌton, Moisësë, Aaron, inapita quëran: ‘Yosë chinotapoi inotëro parti paꞌi,’ taꞌcaiso nanan aꞌpatërinaco. Napoaton canpitari chini chiníquën asacatocoꞌ. Ama nonpintopisoꞌ natëcaiso marëhuëꞌ, inapotocoꞌ,” itërin.