Popular Bible Verses from Éxodo 16

Share

“Canpitaso co quëꞌyatoncoirahuëꞌ, inotëro parti tana tiquiincoiso marëꞌ quënancoi. ¡Iquipitoquë chachin Yosë tëparincoi naporini, noya noya niitonhuëꞌ! Inaquëso noya coshatatoi, natërai. Naꞌa nosha yaꞌhuërin,” itopi. Naporo Yosëri, Moisësë itapon: “Ca nohuanto cosharoꞌ, inápa quëran oꞌnan pochin anotimapon. Nani tahuëri paꞌsahuatonaꞌ, macacaiso yaꞌhuërin. Pëꞌyainpichin macaponaꞌ. Pancasomaria tahuëriso nipirinhuëꞌ, cato tahuëri marëꞌ machinaꞌinaꞌ. Inapotato inpitasona natërinacosoꞌ, inpitasona co yanatërinacosohuëꞌ, nohuitarahuë,” itërin.

Inaquë chachin israiroꞌsaꞌ, naquëranchin Moisësë, Aaron, inapita noꞌhuiantapi

Ina quëran Moisësë taantarin: —Iꞌhuanahuanquë Sinioro, nosha quëtarinquëma capamaso marëꞌ. Tashiramiachintaꞌ, huaꞌhuayátërahuë cosharo quëtarinquëmaꞌ. Nani nataninquëma pinoramaso niꞌton, napotarinquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itërin.

—Israiroꞌsa pinorinacosoꞌ nani natanahuë. Napoaton shaꞌhuitëquëꞌ: “Sinioro napotërinpoaꞌ: ‘Iꞌhuanahuanquë nosha caꞌsaramaꞌ, tashiramiachintaꞌ, cosharo yaꞌhuapon. Natëaquë huarëꞌ coshataramaꞌ. Inapotohuatënquëmaꞌ, ca Sinioroco ninahuësoꞌ nitotarama huachi, tënin,’ itëquëꞌ,” itërin.