Popular Bible Verses from 2 Reyes 7

Share

Napotiihuachina, Irisiori itapon: —Sinioro naporinso shaꞌhuichinquën natanquëꞌ: “Tashiraya ipora pochin co huachi cosharo paꞌtarinhuëꞌ. Cara quiro tricoroꞌmo, sipataroꞌmonta saota quiro nipirinhuëꞌ, aꞌnaíchin coriqui prata quëran nininsoꞌ paꞌtapon. Iso ninano yaꞌcoanaquë ina nápo marëꞌ nipaꞌantaramaꞌ,” tënin, itërin.

Catapini chana caniori maninsopita yaꞌcoana pirayan aipiran quëran yaꞌhuëpi. Inapitasoꞌ ninontatonaꞌ: —Capa capacasoꞌ yaꞌhuëtërinpoahuëꞌ. Co isëranchin chimirin ninacaso yaꞌhuërinhuëꞌ.

Napohuachina, copirno catahuarinso huaꞌani, Irisio aꞌpaniton itapon: —Sinioro inápaquë huintanaroꞌsa iꞌsoatopirinhuë tërantaꞌ, co naporanso chachin nisarinhuëꞌ, itërin. Napopirinhuëꞌ, Irisiori shaꞌhuitërin: “Quëmanta mini niꞌsaran. Napoaponahuëꞌ, co ina caꞌsaranhuëꞌ,” itërin.