Popular Bible Verses from 2 Reyes 5

Share

Siria copirno sontaronënpita huaꞌanën, Namano itopi. Inasoꞌ, Copirnori nóya niꞌnin. Siniorori ina huaꞌan quëran siriaroꞌsa catahuarin inimiconënpita minsëpi. Napoaton nóya niꞌnin. Napoaponahuëꞌ, inaso chana caniori manin.

Inaquë nipachina, Irisiori aꞌnara comision camairin shaꞌhuitacasoꞌ: “Naporin pënëntonaꞌpi: ‘Paaton cortaniiꞌpaꞌ canchisëro yaꞌcoitëquëꞌ. Inapohuatan, chana canio maninquënso inquiaran,’ tënin,” itoonin.

Napotohuachinara, paꞌsahuaton Irisiori camairinso chachin ninin. Canchisëro Cortaniiquë yaꞌcoitërin. Napohuachina noyataton huiꞌnapiraꞌhua pochin shaꞌhuëtëtërin.

Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.

Paꞌsapirinhuëꞌ, piyapinënpitari yaꞌcarirahuatonaꞌ: —Sinioro. Sacai nininsonta pënëntonaꞌpi shaꞌhuitërinquën naporini, aꞌnaroáchin natëitonhuëꞌ. Aquëtë huarëꞌ iporasoꞌ, co sacaiyátërahuëꞌ camairinquën. Yaꞌcoitohuatan noyataran, itopi.

Aꞌna tahuëri inasoꞌ, patronanën itapon: —Samariaquë aꞌnara pënëntonaꞌpi yaꞌhuërin. Ina nicapon huaꞌanëhuë paꞌnin naporini, chana canio yaꞌhuëtërin quëran noyachitonhuëꞌ, itërin.