Popular Bible Verses from 2 Corintios 11

Share

Co ina marëꞌ paꞌyanacasoꞌ yaꞌhuërinhuëꞌ. Niꞌcoꞌ. Satanasëntaꞌ nohuantohuachin, Yosë anquëninën pochin yaꞌnorarin piyapiꞌsaꞌ nonpintacaso marëꞌ. Napoaton Satanasë natëpisopitantaꞌ ina pochachin nisapi. “Yosë aꞌparincoi. Noꞌtëquën natëcamaso marëꞌ aꞌchintarainquëmaꞌ,” topirinahuëꞌ. Nonpinapi niꞌton, aꞌna tahuëri Yosëri noꞌtëquën anaꞌintarin.

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.

Aꞌnaquënsoꞌ naꞌcon nonsapi. “Quiyasoꞌ noya noyacoi,” topi. Caso nipirinhuëꞌ co ina pochin nonahuëꞌ. Co caora nanitërahuësoꞌ shaꞌhuichinquëmaꞌ. Naꞌcon maꞌsha onpotopirinacohuëꞌ, Yosëíchin achinicancaninco ahuantaꞌhuaso marëꞌ.