Popular Bible Verses from 1 Samuel 12

Share

Yosëso tëhuënchachin nosoroatonpoa naꞌcon catahuarinpoaꞌ. Ina yonquiatoma canpitasoꞌ, inaíchin noya nicatoma natëcamaso yaꞌhuërin. Yaꞌipi cancanëma quëran noꞌtëquën ina chinotamaso yaꞌhuërin.

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.

Napotohuachinara, Samoirorisoꞌ itapon: —Ama paꞌyancosohuëꞌ. Tëhuënchachin mini copirno acotiinquëmaso natanatomaꞌ, paꞌpi co noyahuëꞌ ninamaꞌ. Napopiramahuëꞌ, ama Sinioro aꞌpocosohuëꞌ. Yaꞌipi cancanëma quëran inasáchin chinotocoꞌ.

Ama mamanshiroꞌsa moshacosohuëꞌ. Inapitasoꞌ, co catahuainpoaso nanitopihuëꞌ. Co nichaꞌëinpoasoꞌ nanitopihuëꞌ. Nonpin yosëroꞌsa niꞌton, co nanitopihuëꞌ.