Popular Bible Verses from Ro 8

Share

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Laa'in ninnaw naq chi moko li kamk malaj li yu'am, chi moko eb' li ánjel malaj li neke'awab'ejink sa' choxa, chi moko li k'a' re ru wank anaqwan malaj li toj chaalel, chi moko li wankeb' xwankil, jo'wi' li wankeb' taqe'q ut taq'a, tik maak'a' naru taajachoq qe rik'in li xrahom li Yos li wank rik'in li Kristo Jesus, li Qaawa'.

Jo'wi' anchal li Musiq'ej nakoloxtenq'a sa' xmajelal li qana'leb', xb'aan naq ink'a' naqanaw chan tz'aqal ru tootijoq. Ab'an a' ajwi' li Musiq'ej natz'aamank chiqix rik'in jiq'ok ch'ool li ink'a' naru xyeeb'al yal rik'in aatin.

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

Wi naqataaqe li k'a' re ru naxrahi li tz'ejwalej, a' li kamk toxooraqe'q wi'; ab'an wi naqataaqe li naxrahi li musiq'ej, tqataw li yu'amej ut li tuqtuukil usilal.

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Laa'in nink'oxla naq moko naru ta xjuntaq'eetankil li rahilal yooko chi xk'ulb'al anaqwan rik'in li xnimal loq'al taak'utb'esimanq qik'in.

Ani taajachoq qe rik'in li xrahom li Kriist? Ma li rahilal, li ch'a'ajkilal, li rahob'tesiik, li we'ej, li t'usam, li xiik'ilal malaj li kamsiik?

Ut li Yos, li ch'olch'o chiru k'aru wank sa' ch'oolej, naxnaw k'aru xk'a'uxl li Musiq'ej, xb'aan naq li Musiq'ej natijok chirixeb' laj santil paab'anel jo' chanru naraj li Yos.

Chixjunileb' li b'eresinb'ileb' xb'aan li xMusiq' li Yos, a'aneb' ralal xk'ajol li Yos.

Relik chi yaal naq eb' li wankeb' jo' naraj li tz'ejwalej, a' li k'a'aq re ru re li tz'ejwalej neke'xrahi; a'ut li wankeb' jo' naraj li musiq'ej, a' li naraj li musiq'ej neke'xrahi.

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

A' ajwi' li Musiq'ej rochb'een li qaanm naxch'olob' xyaalal naq ralalo li Yos. Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Li nak'amok wi' li xrahinkil li naraj li tz'ejwalej, a'an wank sa' xiik'ilal rik'in li Yos: li tz'ejwalej ink'a' naxk'e rib' rub'el xwankil xchaq'rab' li Yos, chi moko taaruuq aj ta wi'

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

Naqanaw naq chixjunil li wank junsut junrub'el choxa na'ayaynak chaq ut wank sa' rahilal jo' jun li ixq ok re chi alank.