Popular Bible Verses from Sal 91

Share

ye re li Qaawa': “At aj kolol we, at insaqoonak, at inYos li k'ojk'o wi' linch'ool!”, cha'qat.

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Li Qaawa' tixtaqlaheb' li x'ánjel chatenq'ankil re naq tate'xb'eres sa' chixjunil laab'eenik.

A'an taamuheelanq aawe rub'el li xkupuhom; rub'el li xxik' taataw xkolb'al aawib': li xtiikilal xch'ool naxk'e aakawilal ut kolb'a ib'.

“Li Qaawa' a'an linmuheelahom”, chankat. Wi xasik' li Nimajwal Yos cho'q aasaqoonak, ink'a' taanumtaaq li rahilal sa' aab'een chi moko taanach'oq li ch'a'ajkilal rik'in laamuheb'aal.

A'an taakoloq aawe chiru li xra'al laj yo, jo' ajwi' chiru li yajel li nakamsink.

Us ta te'kamq jun milaq chak'atq malaj lajeeb'aq mil sa' laanim uq', ab'anan laa'at maak'a' taak'ul.

Ink'a' taaxiwa li ch'a'ajkilal nachalk sa' li q'oqyink chi moko li xiik'ilal nawank chiru li kutan; ink'a' taaxiwa li raxkamk nachalk sa' li aak'ab', chi moko li tiq li naxb'on rib' tuqtu wa'leb'.