Popular Bible Verses from 1 Corintios 2

Share

Jaskakidi Diosun jancha yuixunika Isaíasin Diosunabu kenexunkin: “Jawada tsuan uinsma inun, jawada tsuan ninkaisma inun, jawada tsuan shinantiduma bebunkidi jabu Diosun bechipaikin ma jatu pewaxuniki”, aniki.

Jaskawen taea jabu Yushin Kayabi jayamadan, Diosun Yushin Pepatun Jesúskidi chaniai dananmisbuki, tatimakin jakidi shinankatsi ikamadan. Jaska inun, jaska Diosun Yushin Pepatun bechipaiai jatun shinan unanti wai ninkatidubumadiki.

Nukun Epa Diosun nuku jaska wanunbadiai nun tapintidubumabiaken jawen Yushin Pepatun nuku tapinmaniki. Ja jawen Yushin Pepatunan, dasibi unankin Diosun shinain yubakanidi unan keyudiaikiki.

Yudabun jabun ikunwanbuman yushin nun biamaki. Jakia Diosun jawen Yushin nuku inani jatun Dios anua jawen duapa nuku inankin nuku tapinmaikiki.

Janua yusinan betsan jancha jawendua yuiaya ja ninkatan jatun jancha bechipaikin ichapabun jawaida chibantidubuki. Jakia ea matu anu kaxun yusiin janchaidan, unanepa janchamis keskawen en matu yusianma iniki. Jamen jaskama Diosun Yushin Pepa inun Diosun kushipa bestiwen ea amakin matu medabewamaya jaska yudabu unanepakin yusinmisbu keskamawen en matu ikunwanmani man unaiin.