Popular Bible Verses from Rom 10

Share

Wet chik lhen ämeta tä Jesús häpe Lhawuk, wet ihi ahusek tä lechaye tä Dios inuhatphä tä tälho n'op'itseyhay, letafwayhla.

Tsi otihi ohusek ochayaj yämthilek Dios hi'isyenn'o, wet oyen lhämeta ochayaj yämthilek otfway.

Wet matche, n'ochayaj tälho m'ak tä õ'läte, wet m'ak tä õ'läte häpe t'at Dios silätyaj tä yäme Cristo.

Dios lhämet tä ihi Lehi yok, “Elh chik häpe chik ichaye, ihichet'ala m'ak chik lhaifwech'enejlhi.” Täja y'aje nilhokej wichi, häp Judío lhayis lhäy'e iyhäj tä kahäpeya, hätet iwoye. Tsi weihalha Lhawuk tä nilhokej lewuk, wet elhpej chik häpe chik t'änch'oye, wuj lakäpfwayajay tä isen tä lham itiyej. Tsi lhämet lhip elh yok, “Nilhokej häp lhamel tä t'änch'oye Lhawuk, tafwayhihena.”

¿Wet chip iwoyek lewos yen silätyaja, tä neya katsik ichen? Mälhyej Dios lhämet tä ihi Lehi tä yok, “¡Wuj tä is tä nämhen iyhäj tä nekchufwi n'osilätyaj tä is!”

Mat oyok, ¿chip iwoyek t'änch'oye Lhawuk, tä nichayaye? ¿Wet chip iwoyek ichaye, tä nilätayek õyäme? ¿Wet chip iwoyek iläte, tä neya katsik yen silätyaja?

Tsi Ley p'ante tälhe Moisés wak'alh t'at häp tä isej Cristo, wet elh chik häpe chik ichaye Cristo, Dios hi'isyen t'at.