Popular Bible Verses from Apoc 2

“Mat iche m'ak tefwajni tä oyen tesa amej, häpe t'at tä leleyej ahumnhayaj tä ichun tä i'amej.

Häp tä tamenej tä oyok, En atichunhayaja han'äyij tä letälhchetso, tsi lechät katsi, wet wo ahusek elha wet woye m'ak tä ichunte tä lewoye. Tsi chik nimälhyayejtso, ohohla ame wet osohla amej achäkwhi tä ihi lew'et, chik kawoya ahusek elha.

Yej nowaye ateläythayaj chik nichätla ame. Lhek yahinya, ahättaj ithathihola n'op'onthi elhpej amel, häpkhilek kalelhäj chik matche achayaj tä i'amejen. Wet ihihila diez ifwalas chik ateläythayajtso ihla amejen. Mat yej leyeja, tujlhache t'at, tej chik lechäte ilek, wet ow'enla amho haw'atshancheyaj tä t'un, mälhhiyejat iwoye corona chik õ'ti'pe etek.

“¡Elh chik lech'otey ihi, ch'ahuye m'ak tä Espíritu tä Dios T'amajchet ifwenho Dios leles! Häp elh chik häpe chik ikalhi m'ak tä tatayhlä, ow'enhihola yämthilek tufw lhay hal'ä tä n'ow'atshancheyaj tä ihi Dios Lelafwek tä Isilataj.”

Yok, Ohanej nilhokej m'ak tä lewoyepej. Ohanej tä äytajche achumet wet lelehiyejt'a, wet häte ohanej tä let'ulhan hin'ol tä ni'isahen tä i'amej. Wet pajche lhelhte iyhäj tä fwetaj häpehen apóstoles mat häpkhihent'a, wet letäfwelej tä tek matchehen lhämtes.

Wet tä lehänlhin'o, wuj ateläythayaj tä i'amej, mat tek let'elej wet tek leleyej.

“¡Elh chik lech'otey ihi, ch'ahuye m'ak tä Espíritu tä Dios T'amajchet ifwenho Dios leles! Häp elh chik häpe chik ikalhi m'ak tä tatayhlä, ochunnhiyeja maná tä n'oskalhek. Wet häte ow'enhihola tunte tä ipelaj tä n'olesaynek ihi tä häpe n'olhey tä nech'ayek tä nehit katsik nitäfwelej, tajlhamat elh tä tachumlä, häp tä nitäfwelej.”