Popular Bible Verses from Mat 19

Share

Jesús iyahin lhamel wet yok: –Häp hin'ol ikalhihit'a täjtso, mat Dios ihanej iwoyneje nilhokej m'ayhay.

Tä mälhyejtso, nemhit häpe chik täkwfwas mat nech'e weihalha, wet häp tä isit'ak hin'ol isowek häp m'ak tä Dios hip'ajtitwek.

Jesús nichulho wet yok: –¿Hä tek leyahyenay Dios lhämet tä ihi Lehi tä yäme m'ak tä lham iwoye p'ante tä yenlhi wichi? Tsi yenlhi hin'o wet yenlhi atsinha, “wet häp tä tamenej tä hin'o yikch'oye lajcha lhäy'e lako wet lhaip'ajtej lech'efwa, wet lhamel täkwfwasna mälhyej chik weihalha”, yop'antekwe Dios.

Mat Jesús yok: –Ch'anlhaye nä'tshas, yej n'äyejo tä iho n'oye. Tsi wichi tä ihi Dios Niyatyaj häpe lhamel tä hätet iwoye nä'tshasna.

Mat oyok, wujla'pe lhamel tä ichun, imälhnhenla, wet wujla'pe lhamel tä imälhnhen, häpkhilek ichun.

Wet elh at chik häpe tä nek n'okwe wet iwom katsi lewukwey, wok lepuhfwas, wok lajcha, wok lako, wok leles, wok laka honhates, ofwel amhohen tä lhäy'ehila lhip m'ak chik ikatej, lhäy'e häp lew'atshancheyaj tä t'un.

Jesús nichulho wet yok: –Chik let'uhläk awak'alh yämlek i'amej haw'atshancheyaj tä t'un, mäh wom nilhokej m'ak tä lew'en, w'enhomche p'elitses, wet akäywet ihla puleye. Wet ache n'okwe.

Jesús nichulho wet yok: –¿Chipte tä letay'ätshanej n'oye m'ak tä is? Weihalha tä is, häpe Dios. Chik let'uhläk lhehi haw'atshancheyaj tä t'un, woye Dios lhämtes tä ihi Lehi.

Lhek tichunache camello, ¡athahit'a chik tiyäjche kanotte! ¡Mat häp hin'o tä hiw'en m'ayek häp tä athaho yämlek nichätho Dios Niyatyaj! Yachajo tä oyok, ¡matche tä atha!

Wet häp tä ofwel amhohen tä oyok, Tajlhama chik hin'o lech'efwa häpe atsinha tä matche tä elh t'at tä neya katsik häpe, häp tä is tä ileyej. Mat chik kahäpeya täjtso chik tamenej tä iwom lech'efwa, wet iyej elh, oyok, iwo lakain'oyaja.

Tä mälhyejtso, Jesús tahuyej lechufwenkay wet yok: –Matche tä ofwel amhohen tä wuj tä athaho hin'o tä hiw'en m'ayek yämthilek nichätho Dios Niyatyaj.