Popular Bible Verses from Mat 18

Share

Tsi chik dos wok tres lhaihutwek tä n'okwi n'oyej, olham oiyej t'at lhamel.”

“Häte ofwel amhohen täja: Chik täkwfwas amel y'ajwek alhyaj honhatena tä let'alhe Ojcha tä ipuleye, iwohiyeja amehen m'ak tä lewatayhlä.

Wet Jesús t'äne han'äfwaj, wet itihi lhamel lechowej wet yok: –Matche tä ofwel amhohen, Chik kawoya ahusey iyhäja wet akatech'aynayej nä'tshas, tek lheyayhihila Dios Niyatyaj.

Häp elh tä lhäy'e lhip tä laha ihi tä ihi Dios Niyatyaj, häpe elh tä tek lhaichäjlhi wet lhaitech'aynej han'äfwaj tä mälhyejna.

Wet elh chik häpe chik ihuminn'o wet tachumlä elh tä häte iwoye häp han'äfwajna, olham t'at tä tachum n'ohlä.

“Matche tä ofwel amhohen, M'ak at chik häpe chik amel lefwenho oka wichi wet lhoyaykwe, Isit'a, yej woye, - häte Dios n'äyhiyejola. Wet m'ak at chik häpe chik lefwenho oka wichi wet lhoyaykwe, Häp tä is, woye t'at, - häte Dios iwahnhiyeja.

Wet Jesús y'isej lhämet tä yok: –Mälhhiyejattso m'ak chik Ojcha tä ipuleye iwohiyejela elh weihalhapej amel, chik kamattache tä letäyhtej letes häp apuhfwa.

“Elh chik häpe chik iwetahatho lesukyaj häp elh tä w'et m'ayekfwaj t'at tä icha n'oye, tä mälhyet han'äfwajna, is chik õyäytej tunte tä choyhat häp lew'o wet õ'that lewomeke yämthilek hich'a.

“¿Chiwoye? Chik hin'o hiw'en cien tson'atas, wet elh weihalha weta, ¿hä niwoma ayej kanhi leläy tä noventa y nueve wet t'ukwe elh tä tatäy?