Popular Bible Verses from Ezeq 34

Share

Ot'uhikwela iyhäj tä wetahen wet onachajiyela lehi häp elh tä nitpila. Wet elh chik takälä ichä, wet oyäythilhila, wet otch'othiyela häp iyhäj tä laj lakhajyhayaja. Mat otäyhthila iyhäj tä yätajen lhäy'e tä takhajayhen, wet owohiyejela lhamel m'ak tä t'uhawetej lakeyis tä ni'isahen tä iwoye.

Otehlat iwoye tson'ataswo tä matche tä nilhak'alejlhi leläy tä ifwtsatpehen honhat. Olham tä otetshanhila oläy wet ot'uhikwela lhamel. Ofwayhthiyeja honhates tä lhamel ifwtsatpehen häp ifwalahte lhamel lewit'äyhyaj tä hip'o'pe tet iwoye pule tä ichalaj.

“Olham tä ohäpe Awuk Dios oyok, Nech'e olhamla t'at chik ot'ukwe oläy wet olhamla t'at chik otetshan.

Wet matche tä olhamla t'at chik ot'uhiyela oläy tson'atas, wet ohänhiyela honhat tä lhamel iwohla t'elakw'etesahi. Olham tä ohäpe Lewuk Dios olhämet täja.

“Amel ahäpehen oläy tson'atas, häp tson'atas tä häpehen oka wichi, wet oaichunhanwethä. Wet olham tä ohäpe t'at amel aka Dios. Olham tä ohäpe Awuk häp tä tetso olhämet tä owoye.”

–Hin'o, en ämeta olhämet tä ottayhlä Israel lhayis laka tson'ataswos wet lhok, “Lhawuk Dios lhämet yok, ¡Awit'äy i'amejen häp amel tä ahäpehen Israel lhayis laka tson'ataswos, häp tä ts'ilak at amel tä alechunnhen! ¿Hä tson'ataswos kalechumeta tä ichunhanwethä häp leläy?