Popular Bible Verses from Ezeq 33

Share

“Mat olham tä ohäpe Awuk Dios tä n'ilataj, matche olhämet tä oyok, Ohuminhit'a chik y'il hin'o tä ni'isa lakey tä iwoye, mat ohuminche chik iwo elha lakey wet iwoye m'ak tä is häpkhilek n'ila. Wet oyok, ¡Israel lhayis, leyache akeyis tä ni'isahen, leyache! ¿Chi iwoyek let'inhen?

“Häp am, hin'o, oayen lewoya tä lewopej siläta Israel lhayis chik iche lewit'äyhyaj chik nämhiyela lhamel. Olhämetpej tä ofwel amho häp tä lefwenhihopeja lhamel, häpkhilek ihanejpej m'ak tä ot'uhläk owoyeje lhamel.

“Tha mat chik lewo silätayej olhämtes häp elh tä ni'isa, wet nileyache lakeyis, häp hin'otso y'inhila t'at tä ihi lech'isukyaj. Mat am oayenhit'ala tesayej, tsi häp lham tä nitch'ahuya ame tä lefwenho olhämtes.

“Tha mat chik silätwo hiw'enlä häp nifwotas tä lhamel letayhfwas, wet nafwutache tson'ataj ch'u, iwohit'a siläta wichi, wet chik nämhen letayhfwas wet ilän hin'o chik häpe, nech'e hin'otso y'inhila t'at tä ihi lech'isukyaj, mat silätwo tä tamenej tä y'il, wet lham tä oyenla tesayej elh lewit'äyhyaj.

Tsi tej tä iläte t'at n'ofwol tä õyafwutche, tha tach'ahuhiyet'a, wet häp tä lham t'at tä tamen lhamej. Mat chik lham tach'ahuye silätwotso, lajit lewit'äyhyaja.