Popular Bible Verses from Dan 3

Share

Sadrac, Mesac, lhäy'e Abed-nego, lhamelna nech'e nichulho rey, yok: –Nemhit ohanej m'akna. Olhamel ohanej t'at tä oka Dios tä olhamel on'okwiyejpej, häp tä ihanej iwoyneje tä ifwayhat n'oyejen häp itäj lhäy'e nilhokej m'ak tä tälhe akhajyhayaj. Wet ifwayhthila n'ohen. Mat tej chik oka Dios nifwayhta n'oyejen, is chik lehanej, ika niyat, tä olhamel tek on'okwihiyeja aka dios lhayis lhäy'e n'ocheyä tä oro tä õ'neyhatphä.

Wet niyat yok: –Ow'ene tä nech'e cuatro hin'ol, nemhit t'akay iyejen. Lhamel ilunhitwethä itäj lhal, niwohit m'ak chik iyej lhamel, lhamel tek y'ohen. Wet elh nichätche dios lhayis elh.

Wet rey yok: –¡Nech'e owunit Dios tä Sadrac, Mesac, lhäy'e Abed-nego, lhamel laka Dios, tä ichen laka ángel wet ifwayhtej itäj häp lakawosna! Tsi lhamel t'ekhaye häp lham, iwohit'a lahaya ocheyä. Wet fwetaj is tä yachaje t'isanis häp itäj, isit'ak lhayachaje dios elh chik kahäpeya lhamel laka Dios.

Wet athana ofwenho olhämet häp wichi tä tälhehen honhates tä lhayhil w'enhahiche. Oyok, Elh at chik häpe chik itiyej lhämet tä ni'isa häp hin'olna laka Dios, õ'wohla lhipeya t'isan wet lewukwe õ'wasthihila pajla'tha lemok t'at. Tsi ihichet'a elh dios chik te iwoye tä ihanej iwoyneje chik ifwayhat laka wichi.