Popular Bible Verses from Dan 2

Share

wet yok: “Lewujyaj ihi häp Dios yämlek tiyäj'attsiy, häp lham tä ihan honhatej lhäy'e tä lakhajyhayaj ihi. Häp Dios inech'aynhi häp ifwalas lhäy'e lewhäypej tä häpe. Lham itihipej häp niyatey wet äp isoyejpej. Lham itäfwnhatej wichi yämthilek ihan honhatejen, wet hiw'enhomche lehanyaj häp lhamel tä lehusey ihi. Dios itäfwnhatej wichi häp m'ayhay tä atha lhäy'e tä õ'iskat. Lham ihanej ihi m'ayhay tä ihi häp honatsi, wet isi iyejpej lham.

Wet Daniel nichulho rey wet yok: –Ika niyat, ihichet'a elh han'ältshantsaj wok hiyawu tä ahantsaj chik ihanej iwoyneje chik itäfwnhat amej afwilhek. Mat iche Dios tä ipuleye tä ihanej iwoyneje tä hin'älit m'ak tä õ'iskat, wet lham t'at tä itäfwnhat amej m'ak tä ihichela häp ifwalas tä tatay alhoho. Nech'e häp täja afwilhek lhäy'e haw'enhay tä lew'en tä lhe'pe amäwet

“Wet chik ifwalas tä reyes ihi, häp Dios tä pule Lewuk lhamlak inech'ayen n'oniyatyaj tä nittäya, wet nehit katsik ikalhihila. Itäyhthihena n'oniyatyajay iyhäj pajla'tha nofwej, wet ihihila tä ihi pajla'tha tiyäj'attsiy.