Popular Bible Verses from Hechos 17

Share

Y uche cocha era tua' uchion cab'ijnu ani non que uc'ani tua' casicb'a e Dios umen taca que capojro caxin este que catajwi chi e Dios era. Pues e Dios era majax innajt turu ticoit non xe' inte' intion tara, y tamar era erer canata que e Dios erer atajwina camener.

’Y jax e Dios era xe' uche tunor uch'ajnar e winicob' axin tama tunor or e rum tua' inte' taca winic xe' chena umener tama ucajyesnib'ir or e rum era. Y de allí uyare e winicob' tua' aturuanob' tama tunor or e rum tama inte' inte' chinam, y jaxir uyare tia' tua' aquetpob' tunor e sian chinamob', y uyare tuc'a tiempo tua' aquetpob' e chinamob' era tor e rum ub'an.

’Pues e Dios xe' uche tunor or e rum y tunor lo que ayan tamar jax jaxir xe' ajyum tama tunor ut e q'uin y tama tunor or e rum. Pero jaxir machi turuan tama inte' otot xe' chemb'ir umen e winicob'.

Porque Cadiosir uturb'a inte' día conda c'ani watar tua' ub'ijnu uwira tunor e gente tama tunor or e rum tua' uwira jay bueno o jay majax bueno lo que cay uchiob'. Y jaxir erach conda uche tunor era. Y ayan inte' winic xe' erach xe' sicb'ab'ir umen e Dios xe' c'ani watar tua' uwira tama inte' intion. Y e Dios ixin uchecsu chi e winic era umen que ixin usuti ub'ixq'ues tujam e chamenob'. B'an che e Pablo uyare tunor e winicob' tama e lugar xe' uc'ab'a Areópago.

Y cocha non umaxtacon e Dios machi uwajpi tua' cab'ijnu que e Dios b'an ani cocha inte' tun o lo que chena taca e oro o taca e plata xe' chempa umen inte' winic b'an cocha ub'ijnu uche.