Popular Bible Verses from Hechos 16

Share

Y jaxirob' uyare e ajcojc cárcel y che: —C'upseyanen tama Cawinquirar Jesús y c'ani icorpesna net taca tunor tin e aturuanob' tama o'tot, che e Pablo y e Silas.

Y tama uyuxin e acb'ar ya turob' e Pablo y e Silas macuir e cárcel y war uc'ajtiob' taca e Dios y war ac'aywiob' tama e Dios, y tin e turob' macuir e cárcel war uyub'iob' tunor era ub'an. Y wacchetaca checta inte' nuxi yujcb'ar y cay chincha e tun xe' turu macuir e rum, y conda uwirob', pasc'a ut tunor e puerta tama e cárcel. Y tunor e te' xe' cacharob' ani tamar witc'a tama uyocob', y e cadena xe' cacharob' ani tin e turob' tama e cárcel b'antz'ob'.

Y wacchetaca ulocse e Pablo y Silas patir e cárcel y cay uyub'i tuob' y che: —Niwinquirox, ¿tuc'a uc'ani tua' inche tua' incorpesna? che e ajcojc cárcel era.

Entonces e ajcojc cárcel b'ixc'a achpa wawan y cay uwira que pasc'a ut tunor e puerta tama e cárcel y cay ub'ijnu que c'apa loc'oy ajniob' tunor e gente xe' turob' ani macuir e cárcel. Entonces ulocse umachit tupat y uwab'u tama unac tua' uchamse ub'a jaxir. Pero e Pablo xe' war uwira tunor era a'ru taca inte' nuxi nuc y uyare e ajcojc cárcel y che: —Ira achamse ab'a, ya turon tunoron, che e Pablo.