Popular Bible Verses from 2 Timoteo 2

Share

Turb'an ab'a tua' aloc'oy imb'utz tunor lo que war ache tut e Dios b'an cocha uche inte' ajpatnar xe' war uturb'a ub'a tua' aloc'oy imb'utz tunor lo que war uche, y tamar era matuc'a tamar tua' asub'ajra. Y turb'an ab'a tua' aquetpa erach tunor e canseyaj lo que ache tamar uyojroner e Dios.

Entonces ajnen tut tunor e mab'amb'anir lo que uyusre uche inte' ch'om sitz, y turb'an ab'a tua' aquetpa erach tunor lo que war ache, y turb'an ab'a tua' ach'i' ac'upesiaj tama e Dios, y turb'an ab'a tua' ayajta utob' tunor e gente, y turb'an ab'a tua' acojco e jiriar tama awalma, porque b'an cocha era war uchiob' tunor tin e war upejcob' uc'ab'a Cawinquirar y xe' war axanob' imb'utz tut.

Tin e aquetpa man tua' Cawinquirar ma erer uyusre ab'iriti iraj iraj, sino que uc'ani tua' aquetpa inc'un uwirnar tut tunor, y uc'ani que ayan uc'ampib'ir tua' ucanse uyojroner e Dios, y uc'ani tua' uyacta b'an taca conda ayan lo que war uche unumse ub'a.

Jay non machi ac'apa cache tunor lo que uc'ani ani tua' cache xe' ajc'upesiajon tama e Cristo Jesús, pero jaxir ac'apa ixto uche tunor b'an taca cocha arob'non umener porque jaxir machi uyub'i uche asutpa intiach cocha uwirnar.

Y tin e aquetpa man tua' Cawinquirar uc'ani tua' aquetpa inc'un uwirnar conda war o'jron taca tin e machi war uc'ani uyojroner e Dios. Porque b'ajc'at Cadiosir axin uturb'a tama uyalma e winic era tua' uyacta e mab'amb'anir este que axin uch'ami lo que erach

Ira achiquini inte' tojb'en ojroner xe' matuc'a uc'ampib'ir. Porque tunor tin e uturb'a ub'a tama inte' ojroner cocha era intaca anajtranob' axin más tut e Dios.