Popular Bible Verses from 1 Corintios 3

Share

Pues entonces niwermanuox, ¿war ca inata que nox larox cocha inte' otot tua' e Dios? Pues b'an, porque war aturuan Unawalir e Dios tama iwalma.

Porque ma cocha erer aturb'ana otronte' uwab'nib' e otot tujor inte' xe' chemb'irix b'ajxan xe' jax e Jesucristo. Y nox ixiox ich'ami uc'ab'a Cawinquirar Jesucristo conda nen cay inchecsu uyojroner tiut.

Pero machi c'ani catattz'i tin e cay pacma, y nien machi c'ani catattz'i tin e cay tz'ayma, sino que jax taca e Dios xe' tua' atajttz'a porque jax jaxir xe' uch'ijrse lo que cuxpa tama iwalma xe' jax uyojroner e Dios.

Entonces nen taca e Apolos manon tua' e Dios tua' cache lo que uyareon. Y nox larox cocha inte' chor tia' pacb'ir e jinaj xe' ajc'unon umen e Dios tia' tua' capatna. Y nox larox cocha ingojr otot ub'an xe' war achena umen e Dios.

Y c'ani aquetpa chequer jay bueno o jay majax bueno e patnar tua' inte' inte' tin e cay patnob' tama e otot era. Porque watar e día tua' e juicio conda e Dios c'ani uwira tunor lo que chena jay bueno o jay majax bueno. Y tama e día yaja' e juicio tua' aquetpa b'an cocha inte' c'ajc xe' tua' axin uputa tunor. Y tamar era c'ani aquetpa chequer jay bueno o jay majax bueno e patnar lo que cay chempa umen inte' inte' jay ac'apa apuruy tunor o jay aquetpato.

Entonces b'an cocha tin e apacma y b'an ub'an tin e atz'ayma, Cadiosir tua' axin utoyi inte' inte' b'an cocha e patnar lo que uche.

Pues que mamajchi umajresic ub'a, porque jay ayan tijam tin e war ub'ijnu que unata meyra b'an cocha ub'ijnuob' e gente tara tor e rum, pues uc'ani tua' asutpa aquetpa b'an cocha inte' xe' matuc'a unata, y tamar era erer ac'otoy aquetpa nojta ujor tut e Dios.