Popular Bible Verses from Efesios 6

Share

Ma ri'oj oj k'o pa ch'a'oj. Pero wa ch'a'oj na e ta kuk' tikawex keqam kulewal kipoqlajil, e kuk' taq itzelilaj uxlab'ixel e k'o xa pa tew, ri lik k'o kichuq'ab' re ketaqan pakiwi taq ri e k'o pa q'equ'm wara che ruwachulew. Kuk' taq rike ri qach'a'oj.

'Ana k'u alaq orar chipaq'ij chichaq'ab'. Lik tz'onoj alaq che ri Dios e chirij janipa ri kub'i'ij ri Ruxlab'ixel che alaq. Makos ne alaq che u'anik orar; e xaqi 'ana alaq orar pakiwi konoje rutinamit ri Dios.

'Ana k'u e alaq che ronoje taq ri to'b'al kuya ri Dios che alaq cha' jela' kach'ij alaq uchuq'ab' taq ri sokoso'nik re ritzel winaq.

Ruma k'u wa', lik chirajawaxik che alaq chuk'a'aj alaq ronoje taq ri to'b'al qe kuya ri Dios, cha' jela' kach'ij alaq uchuq'ab' taq ri na utz taj kape pawi' alaq. Y jek'ula', we xk'is wa' wa ch'a'oj chi'ij alaq, k'a tikil alaq jusuk'.

Y chwi ronoje taq wa', tikila chi utz ri kub'ulib'al k'u'x alaq ruk' ri Dios, ma wa' che ralaq e pacha' ri juperaj ch'ich' ruk'a'am juna soldado puq'ab' re kuchup ri aq' k'o chutza'm ri flechas kak'aq lo che. Jek'ula' ri kub'ulib'al k'u'x ralaq e to'b'al e alaq cha' kach'ij alaq uchuq'ab' taq ri k'aqanik ku'an lo ritzel winaq che alaq. Tikila alaq chi utz chupa ri kolob'etajik ya'tal che alaq jela' pacha' juna soldado kukoj rucasco re ch'uqub'al rujolom. Y chapab'ej alaq chi utz Ruch'a'tem ri Dios, ma wa' e pacha' juna espada ya'tal che alaq ruma ri Ruxlab'ixel ri Dios cha' kach'o'jin alaq chirij ritzel winaq.

E uwari'che lik chuq'ub'ej ib' alaq chupa ri Q'ijsaq jela' pacha' juna aj chak kukoj rupas cha' kuxim rupa chi utz. K'ola alaq jusuk' y lik chajij alaq ri b'inik silab'ik alaq jela' pacha' juna soldado ch'uqutal ruwa uk'u'x ruk' jun ch'ich'. Xaqi yijb'a' ib' alaq che utzijoxik ri Utzilaj Tzij re ri utzil chomal jela' pacha' juna soldado xaqi ukojom ruxajab' re kuto'b'ej ri raqan che taq ri kik'ow wi.

K'isb'al k'u re, kamb'i'ij che alaq hermanos, chuq'ub'ej ib' alaq chwach ri Qanimajawal Jesucristo ruk' runimal uchuq'ab' Rire.

Chupa Rutzij Upixab' ri Dios ri nab'e tzij ku'an b'i'tisinik chike ri ke'anaw re, e wa': Chaloq'oj kiq'ij rachu-aqaw, cha' jela' xaqi katel pan chi utz che ronoje y kanajtir rak'aslem wara che ruwachulew.

Ix alk'o'al, ruma ix k'o puq'ab' ri Qaqaw, lik chikojo kitzij richu-iqaw ma lik e usuk' ri'.