Popular Bible Verses from Loo gə́ killa rea kəm Ja̰’g 22

Share

Ma m’to Alpa gə Omega ləm, ma m’to gə́ kédé gə gogo ləma, ma m’to gə́ dɔtar gə rudu ləm tɔ.

Aa ooje, waga ɓa m’a ree ɓəi ndá m’a ree gə né mba kuga ne dɔ ji dəwje kára-kára lai gə goo néra dee ra dee lé.

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

Aa oo, waga ɓa, n’a ree ɓəi, yeḛ gə́ taa ta gə́ to mee maktub’g neelé gə́ wɔji dɔ né gə́ ma gə ra lé ŋgəm dɔɓəŋgəree’g ndá rəa a lelee ne ya.

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari. Maji kar noji lə Mbaidɔmbaije Jeju nai sə sí lai ya. Amen!

Nana ɓa gə́ oo ta gə́ a gə teḛ gə goo ta gə́ to mee maktub’g neelé ndá ma m’ulá təsərə m’pana: Ɓó lé yeḛ pa təa gə́ ɓəd ɔm ta gə́ raŋg dɔ’g ndá Ala a kundá gə oŋg-booje gə́ ndaŋg taree mee maktub’g neelé nja. Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.