Popular Bible Verses from Jak 5

Share

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

See dəw kára mbuna sí’g sí dan némeeko̰’g wa. Maji karee ra tamaji ta Ala’g. See dəw kára mbuna sí’g sí gə rɔlel wa. Maji karee ɔs pa kula rɔnduba dɔ Ala’g lé.

Ndá tamaji gə́ d’a ra gə meekun lé njerɔko̰ a kaji ne ɓa Mbaidɔmbaije a kundá kuree tar, ɓó lé yeḛ ra nékaiyaje ndá a kiŋga mee-ti-mbidi lé tɔ.

See dəw kára mbuna sí’g oso gə rɔko̰ wa. Maji karee ɓar ŋgatɔgje gə́ d’aa dɔ Eglisə mba kar dee ra tamaji dəa’g ləm, kar dee ndèm ubu dəa’g gə ri Mbaidɔmbaije ləm tɔ.

yeḛ kara maji karee gər gao, yeḛ gə́ njekɔr njekaiya rəw ndəm’g lé to njetaa maree ta yoo’g o̰ ne dɔ kaiyaje bula ləm tɔ.