Popular Bible Verses from Jak 4

Share

Bèe ndá ɔmje rɔ sí ji Ala’g. Ɔsje Njekurai rəw ɓa yeḛ a kaḭ sí ɓəi.

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

Osoje kul no̰ Mbaidɔmbaije’g ndá yeḛ nja a kun sí kuru sí tar jigiri ɓəi.

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

Yeḛ gə́ gər ra né gə́ maji ɓa ra el ndá yeḛ ra kaiya ya.

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.