Popular Bible Verses from Ǝbrəje 13

Share

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

Arje meḛ sí wəi dɔ kwa na̰ mbá’g pə-pə el, mbata njé gə́ na̰je d’wa mar deeje mbá ɓa d’ɔs ne dɔ dee rɔ kuraje gə́ dara’g ɓəi.

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé maji karee gɔl sí gə mba kar sí asjekəm ra né gə́ maji gə́ gə ria-ria mba tɔl ne ta torndia bém ləm, maji karee ra kula meḛ sí’g to gə́ mée ndigi gin Jeju Kristi ləm tɔ ndá maji kula rɔnduba dəa’g gə ləbee-ləbee saar gə no̰. Amen!