Popular Bible Verses from Apocalipsis 8

Share

Echiri' ri K'apoj Bexex xuloch'ij ruwuk sello nac'al che ri jubotaj wuj, laj juna mey ora lic xtz'intz'ot chila' chicaj, na jinta chi c'o xtatajic.

Ri nabe ángel xuch'awisaj rutrompeta, y xpe c'u sakbach rachbi'il ak' ruc' quic' chwi ruwachulew. Y ruma wa' xc'at rurox parte che ruwachulew, xc'at rurox parte che ronoje tak ri che', ri tico'n y rak'es.

Tec'uchiri' xinwil jun águila caxiq'uic' chicaj y xinto jewa' casiq'uin che ubi'xiquil: «¡Tok'o' quiwach! ¡Tok'o' quiwach! ¡Tok'o' quiwach conoje ri ejekel che ruwachulew ruma ri caquic'ulumaj echiri' ri oxib ángeles caquich'awisaj ri jujun chic trompetas! ¡Ma ya e cu'ana wa'!» cacha'.

Ruca'm ángel xuch'awisaj rutrompeta, y c'o xtzak chwi ri mar pacha' juna juyub cajumuw ak' che. Y ruma wa' rurox parte che ri mar xu'an quic' uwach.

Rurox ángel xuch'awisaj rutrompeta, y jun nimalaj ch'umil cajumuw ak' che xtzak lo chicaj puwi rurox parte che tak ri rakana' y tak rac'al pa calax wi lo ya'. Rubi' wa' wa jun ch'umil e “C'a”. Ewi rurox parte che tak ri nimaya' lic xu'an c'a; y uq'uiyal winak xecam ruma ruc'ayul ri ya'.

Rucaj ángel xuch'awisaj rutrompeta, y lic x'an c'ax che rurox parte che ri k'ij, che ri ic' y chique ri ch'umil. Xk'ob c'u tak ruwonibal wa', jela' xujek camoymot uwach ri sak pak'ij y xu'an más k'eku'm rak'ab.