Popular Bible Verses from Apocalipsis 3

Share

Chitape': Ri'in in c'o pan chwach ri puerta y quinch'aw c'u apanok; we c'o junok cuta ri nukul y cujak lo ri puerta, Ri'in quinoc bi y quinwa' ruc', y rire cawa' wuc' Ri'in.

Ri'in lic weta'am ronoje ri qui'ano. Ri'ix na ix tane joron y na ix tane c'atan. ¡Lic utz we ta ix joron o we ta ix c'atan! Pero ruma c'u xa ix sakmik'in ma na ix tane joron y na ix tane c'atan, quixinxabej na lo pa nuchi'.

Ri'in canch'a'bej quipa y quebenuk'il conoje ri c'ax quebenuna'o; e uwari'che chitzelej c'u itzij chwach ri Dios ruc' ronoje ic'u'x.

Ri'in lic weta'am ronoje ri qui'ano. Chitape': Ri'in nuya'om chiwach ri'ix jun puerta jakalic y wa' wa puerta na jinta junok carikow utz'apixic; ma tob na lic ta c'o ichuk'ab, e lic itakem ri Nutzij y na quixq'uix tane che ri nubi' chiquiwach ri winak.

China c'u ri cach'ijow uchuk'ab tak ri na utz taj, canya che catz'uyi' wuc' chupa ri nutz'ulibal pa quintakan wi, jela' pacha' Ri'in nuch'ijom uchuk'ab ronoje ri na utz taj yey in tz'ul chi ruc' ri Nukaw chupa rutz'ulibal.

Ma ri'ix quibi'ij: “Lic oj beyom, ronoje ri cajawax chike c'o chi kuc' y na jinta niba'il cakatijo”; no'j lic tok'o' ne iwach ma na quina'bej ta c'u ri' chwach ri Dios na jinta c'ana iwach, lic ix niba', ix potz' yey ix ch'analic.

Ri'ix ich'ijom uchuk'ab tak ri c'axc'obic ruc' unimal ic'u'x pacha' ri ximbi'ij chiwe; ruma c'u ri', quixinchajij che tak ri c'axc'obic catajin lo puwi ronoje ruwachulew, wa' e re c'ambal quipa conoje ri ticawex.

Chitape': Ri'in quinopon tan iwuc'; lic c'u miwesaj iwib che ronoje ri uya'om ri Dios chiwe, cha' jela' na jinta junok camajaw ri corona cuya ri Dios chiwe.

Cambi'ij c'u chiwe: Chixc'astajok y lic chitija chi uk'ij quiyac iwib che tak ri utz c'a quixtajin che u'anic, ma tak wa' catajin usachic uwach. Ec'u Ri'in wilom ri i'anom, yey wa' na e ta ri caraj ri Dios chiwe.