Popular Bible Verses from Apocalipsis 2

Share

Pero Ri'in c'o tak ri na cuc'ul ta nuc'u'x che ri qui'ano: E ri rutzil ic'u'x wuc' na e ta chi pacha' ri xijekebej lok.

E uwari'che c'una chic'u'x pachawi ix jaljobinak wi. Chitzelej c'u itzij chwach ri Dios y chi'ana tanchi ri chac jela' pacha' ri xi'an lo che ri jekebal lok. Ma we na quitzelej ta itzij, Ri'in quinc'un lo iwuc' y canwesaj c'u puluwar ri tzuc'ulibal ak' re oro iwe'ix.

Mixi'ij c'u iwib che ronoje tak ri quiwic'owibej. Chitape': Cac'am ipa, ma ritzel winak quebuya jujun chiwe pa cárcel y quixc'oji' pa c'axc'obic lajuj k'ij. Chitiquiba' c'u ri cubulibal ic'u'x, tob quixcamisaxic; ma Ri'in canya jun corona chiwe, wa' e ri c'aslemal na jinta utakexic.

China c'u ri c'o utanibal, e chuta ri cubi'ij ri Ruxlabixel ri Dios chique tak riglesias. China c'u ri cach'ijow uchuk'ab tak ri na utz taj, canya che cutij re rujik'obalil ri che' re c'aslemal, ri c'o chunic'ajal ri werta re ri Dios, cacha'.

Ri'in lic weta'am ronoje ri qui'ano, ri c'ayewlaj chac i'anom y runimal ic'u'x chwach tak ri c'ax. Weta'am na quebic'ul ta iwuc' ri winak itzel quic'u'x. Ma lic ic'amom quipa ri caquibi'ij e tako'n re ri Cristo tob na e taj; yey xk'alajin c'u ri' xa e aj rak'ubal.

Lic itijom c'u ri c'ax y na quixcos ta c'ana che ri nuchac. Iya'om ic'u'x che utzijoxic ri nubi' y na paxinak ta ic'u'x che.

China c'u ri c'o utanibal, e chuta ri cubi'ij ri Ruxlabixel ri Dios chique tak riglesias. China c'u ri cach'ijow uchuk'ab tak ri na utz taj, Ri'in canya che cutij re ri wa'im ewatalic, wa' e ri maná y canya c'u jun ralco abaj lic sak che y chwach ri ralco abaj tz'ibital jun c'ac' bi'aj na jinta junok eta'mayom re, xew queta'man ri cac'uluw re, cacha'.