Popular Bible Verses from Apocalipsis 16

Share

Jewa' cubi'ij ri Kanimajawal: «Chitape', Ri'in quinopon iwuc' jela' pacha' ri oquibal re juna elek'om pa juna ja, ma ri elek'om na cubi'ij ta apanok jampala' coponic. Lic c'u nim uk'ij ralaxic china ri na cawar taj yey ucojom chi ruk'u' cha' we xinc'unic, na cuya ta uq'uix» xcha'.

Ruwakak ángel xu'k'eja pa ri nimaya' Eufrates ri c'o chupa rucopa; y ruma wa', xchakij ri ya' pa ri nimalaj rakana', cha' jela' utz quebic'ow lo ri takanelab e petinak pa relebal lo ri k'ij.

Wa' e itzel uxlabixel caqui'an tak c'utubal y quebec cuc' conoje ri takanelab che ronoje ruwachulew cha' caquimol quichi' re caqui'an ch'a'oj chupa ri unimal k'ij re ruk'atbal tzij ri Dios, ri c'o ronoje unimal chuk'ab puk'ab.

Y xinwil c'u oxib itzelilaj uxlabixel jela' quetzu'nic pacha' tutz'; jun quel lo puchi' ri dragón, jun chic quel lo puchi' ri nimalaj itzel chicop y jun chic quel lo puchi' ri jun k'alajisanel socoso'nel.

Y lic xec'at c'u ri winak ruma ruc'atibal ri k'ij. Ruma c'u wa', xeyajan ruc' itzel tak ch'a'tem chirij ri Dios, ri c'o puk'ab cutak lo wa c'axc'obic paquiwi'. Yey na xquitzelej tane quitzij, ma e na xcaj taj caquiyac uk'ij ri Dios.

Xe'ec c'u ri nabe ángel y xu'k'eja chwi ruwachulew ri c'o chupa rucopa, y ruma wa' xwinakir jun c'axlaj yabil re ch'a'c chiquij tak ri winak y xujek c'u ri' cak'olol quij conoje, wa' e ri xec'uluw ri retalil ri nimalaj itzel chicop y xquilok'nimaj uk'ij ri jun uc'axwach 'anom.

Y xquimol c'u quichi' ri takanelab chupa ri jun luwar rubi' pa ri ch'a'tem hebreo “Armagedón”.