Popular Bible Verses from Marcos 16

Share

Xubi'ij c'u chique: —Jix che ronoje ruwachulew y chitzijoj ri Utzilaj Tzij chique conoje ri ticawex.

Yey chique ri quecojow re, quilitaj c'utubal re ruchuk'ab ri Dios. Pa ri nubi' quebequesaj bi itzel uxlabixel, quech'a't pa jujun chic c'ac' ch'a'tem, caquichap tak ne cumatz paquik'ab. Yey we c'o ri xquitijo y na quina'bem taj camisabal que, na jinta c'o cu'an chique. Caquiya ri quik'ab paquiwi tak ri yewa'ib, y wa' quecunutajic —xcha'.

Ec'u ri quecojow re y caquic'ul ri bautismo, quecolobetajic. No'j c'u ri na quecojow ta re, cak'at na tzij paquiwi'.

E tak c'u rutijo'n xebel bi che utzijoxic ri Utzilaj Tzij pa tak ronoje luwar. Yey ri Kanimajawal xebuto'o, xuya chique caquic'ut ruchuk'ab ri Dios cha' ruc' wa' cujiquiba' uwach ri Utzilaj Tzij. Amén.

Ec'u rire xubi'ij chique: —Mixi'ij iwib. Ri'ix e quitzucuj ri Jesús ri aj Nazaret, ri xcamisax chwa cruz; Rire na jinta chi wara, ma c'astajinak chubi. Chiwila wa luwar pa xya'i' wi rucuerpo.

Pero c'ate xquilo, rabaj esam chic, yey wa' lic nim. Ec'uchiri' xeboc bi chupa ri mukubal, xquil jun ala tz'ul pa uwiquik'ab chique, ucojom jun c'ul sak lic naj rakan. Yey rique lic xquixi'ij quib che.