Popular Bible Verses from 1 Pedro 5

Share

Ronoje rubis c'u'x alak ya'a alak chwach ri Dios, ma Rire lic coc il che chajixic alak.

Ri Dios xojusiq'uij cha' cojc'oji' ruc' ri Kanimajawal Jesucristo chupa ri chomilaj utakanic na jinta utakexic. Ruma c'u wa', echiri' ic'owinak chi alak jujun k'ij chupa wa c'ax; ri Dios, ri lic cojuto' che ronoje ruma ri unimal rutzil uc'u'x, e cuyac tanchi alak, cucowirisaj alak, cuya chuk'ab alak y cutiquiba' alak chi utz.

Lic c'ola na'oj alak puwi sa' tak ri ca'an alak y mawar wach alak. Ma ritzel winak, ri aj retzelal c'u'x chi'ij alak, e cutzucuj su'anic catzak alak puk'ab jela' pacha' juna coj lic cusut quij ri ticawex re cutzucuj china ri cubik' bi. Lic ch'ija alak uchuk'ab ritzel y lic chuk'ubej ib alak che ri cubulibal c'u'x alak ruc' ri Cristo. Yey mic'ow chic'u'x alak na xew ta ralak quic'owibej alak c'axc'obic, ma jenela' ri ka hermanos e c'o che ronoje ruwachulew caquic'owibej c'axc'obic.

'Ana ch'uti'n che ib alak y ya'a c'u ib alak puk'ab ri Dios, ri c'o unimal uchuk'ab; jec'ula' Rire lic cuyac k'ij ralak echiri' copon na ruk'ijol.

Ec'u ri'ix ix alabo, chicojo quitzij ri e aj wach re riglesia. Yey chirajawaxic che onoje alak ca'an alak ch'uti'n che ib alak chiwach alak, ma jewa' tz'ibital can chupa Ruch'a'tem ri Dios: Ri Dios uyacom rib chiquij janipa ri caquitac'aba' quik'ij; no'j uya'om ri unimal rutzil uc'u'x chique janipa ri caqui'an ch'uti'n che quib cacha'.