Popular Bible Verses from 1 Juan 5

Share

Cubul kac'u'x ruc' ri Dios ma keta'am we ri cakatz'onoj che e chirij janipa ri caraj Rire, cojuta c'u ri'.

Yey we keta'am Rire cojuto, keta'am c'u ri' cuya chike sa' ri katz'onom che.

Ma ri c'utubal re ri rutzil kac'u'x che ri Dios, e ri caka'an janipa ri cubi'ij Rutzij Upixab yey wa' na c'ayew taj ca'anic. Ma konoje ri oj alaxinak chi chupa rubi' ri Dios, cakach'ij uchuk'ab ri na utz taj c'o che ruwachulew, yey caka'an wa' ruma ri cubulibal kac'u'x ruc' Rire.

E junok uc'ulum Ruc'ajol ri Dios pa ranima', ri' ya'tal chi wa' wa c'aslemal che; no'j e junok na uc'ulum ta Ruc'ajol ri Dios pa ranima', ri' na ya'tal ta wa' wa c'aslemal che.

Cantz'ibaj pan wa' che alak ri cojom alak rubi' Ruc'ajol ri Dios, cha' queta'maj alak c'o c'aslemal alak na jinta utakexic.

Keta'am c'ut, e janipa ri ebalaxinak chupa rubi' ri Dios, na caquitijoj ta chi quib che u'anic ri mac; ma Ruc'ajol ri Dios e cachajin que cha' na quetzak ta puk'ab ritzel winak.