Popular Bible Verses from 1 Corintios 2

Share

E jela' pacha' ri tz'ibital can chupa Ruch'a'tem ri Dios: E tak ri winak na caquimaj ta usuc' ronoje ri utz ujiquibam uwach ri Dios chique ri lic c'ax quena'w re Rire. E tak wa' wa utz lic na jinta junok iliyom re, na jinta junok tayom re y na jinta ne junok no'jiyom wa' cacha'.

Ec'u rachi na jinta ri Dios pa ranima', na cuc'ul ta uc'u'x ri cubi'ij ri Ruxlabixel ri Dios che, ma chwach rire wa' xa sachibal na'oj; yey na cumaj ta usuc', ma wa' xew camajtaj usuc' we cak'alajisax ruma ri Ruxlabixel ri Dios.

Yey ri Dios uk'alajisam chi wa' chike ri'oj ruma ri Ruxlabixel. Ma ri Ruxlabixel Rire ronoje reta'am, cumaj ne usuc' ri sakil una'oj ri Dios.

Yey wo'ora, ri kana'oj ri'oj na junam ta ruc' ri quina'oj ri na queta'am ta uwach ri Dios. Ma ri'oj e kac'ulum ri Ruxlabixel ri Dios cha' caketa'maj ronoje ri chomilaj sipanic uya'om Rire chike.

Ec'u rutzijoxic xin'ano na e ta ruc' unimal na'oj xa re ruwachulew y chomilaj tak ch'a'tem casocoso'nic, ma e ruc' ri Ruxlabixel ri Dios y ruchuk'ab Rire cha' na cacubi' ta c'u'x alak ruc' ri Cristo xa ruma unimal na'oj re ruwachulew, ma e ruma ruchuk'ab ri Dios.