Popular Bible Verses from San Marcos 6

Share

Jesúsñapaꞌ ateth oterranerr poeyochreshaꞌ: —Theꞌpaꞌ oꞌch awey eꞌñe yapthocheꞌ all ama acheñempañoyaye; sapaꞌ allchaꞌña sameswerr allponmat. Ñeñth allempopaꞌ ateth otan Jesús poeyochreshaꞌ tharroꞌmar allempo shonteꞌ acheñeneshaꞌ ñeñth waxhaꞌtyetsa ñamha ñeñth xhokma awanemyetsa ñeñthoꞌmar amaꞌt mameshapaꞌ ama eshkayeꞌ rreneto.

Allempoña Jesúspaꞌ ateth otanet: —Ñeñth aꞌmhteneꞌ Yompor poꞌñoñpaꞌ xhokmakaꞌye amhchaꞌnaꞌtpoꞌ entyeñña allowen acheñeneshaꞌ; arrña paꞌnyo alloꞌtsen eꞌñe ña pamoꞌtsnaꞌtarneshaꞌ ñeñth eꞌñe pamoꞌtsnaꞌtar penpaꞌ ñetñapaꞌ ama akwaꞌpenayeꞌ enteñeto. Amaꞌt ñamha ñeñth parro yexhenet paꞌpaklleto, ñetpaꞌxhoꞌña ama akwaꞌpenayeꞌ enteñeto.

Allempoña sewosa Jesús allpaꞌ alla entwerraneterr oꞌ alla shontaꞌwerrerr acheñeneshaꞌ. Atarr nanak moeraꞌwerraneterr Jesús, tharroꞌmar ñetpaꞌ eꞌñe ateth entwerraneterr ñerraꞌmrratheꞌ carnero ñeñth ama akwamphsaretheyaye. Allempoña Jesúspaꞌ alla yexhatwerraneterr paꞌnamen esokmañen ñeñth Yompor poꞌkowenña.

Ama ameꞌñeñeto ñeñthoꞌmarña allpaꞌ ama atonocheyeꞌ orrtataneto poꞌpartsoña. Allpaꞌ aña orrtatyen atthoch aꞌphllaꞌyenan poesheñaꞌtets atsnañeth allpaꞌ atthokaꞌyeña aꞌkrratenanet. Ñeñthoꞌmarña Jesús atarr kothapeꞌchateñ pamoꞌtseshaꞌ attho ñetpaꞌ ama akwaꞌpenayeꞌ enteñeto, ñapaꞌ xha moeneꞌ llekateñet. Allempoña Jesúspaꞌ alla chopeñeꞌchyerrerr yexhatyerrtserr allemeñ anetsoꞌmar.

Allempoña Jesúspaꞌ agapan ñeñth amnar pan ñamha epatholl kak, kowaꞌ enoneth parasyosoꞌtamphsan pan. Allempoñapaꞌ shotaꞌtan panpaꞌ apanatyesan poeyochreshaꞌ, ñetñapaꞌ epatyeset allowen acheñeneshaꞌ ñeñth anorrxhaꞌtyets all, eꞌñe epaꞌwet. Ñamha shetseꞌtan kak atthoch epatyesanet allowenet. Allempoñapaꞌ oꞌ rrallmeꞌchet allowenet eꞌñepaꞌtchaꞌ yetrraꞌtwawet. Eꞌñe yetwawetpaꞌ elloña xha aꞌpchatyeset kak ñamha pan ñeñth ashotaꞌtyesareth. Ñeñthña aꞌyapaxherretpaꞌ xhepaꞌtchaꞌ chorrerrets xharraꞌ poechena epa kañther.