Popular Bible Verses from San Marcos 5

Share

Jesúsñapaꞌ ateth otapan koyaneshaꞌ: —Phapaꞌ nesñeshachaꞌ attho atarr peyemtenna na, atthoña theꞌpaꞌ oꞌ eꞌñe naꞌkrratnomoeph. Theꞌñapaꞌ oꞌch awerreph peñmañeshaꞌ, tharroꞌmar amach alla moeroxhtaterrperro atsnañets.

Allñapaꞌ kothaꞌnmanet ñamha poesheñarr koyaneshaꞌ ñeñth atsnaꞌtets. Xharraꞌ poechena epa char ñeñth attho xhokma yellaꞌyena. Epayeꞌ moeroxhtateñ shonteꞌ apartañexhno ñeñth partenayeñ. Amaꞌt oꞌ aꞌgastaꞌwawan ora allpon kelle echen attho partatena ñañapaꞌ atthera amaꞌt mameshapaꞌ ama xhoyeꞌ pasateñe. Elloña alloꞌna sen aꞌpoꞌntsaꞌnmatsa.

Eꞌñe aꞌphllaꞌweꞌ paꞌshtampaꞌ allorokmoepaꞌtchaꞌ maserrña poꞌrras. Ñapaꞌ eꞌñe eñotena poꞌchtso oꞌ metweña ñeñth moeroxhtateneꞌ.

Allempoña Jesúspaꞌ rromotaꞌtosan shopsheshañ potothpaꞌ ateth otos eꞌñe ña poꞌñoño: —Talita cumi— ñeñth yoten ya yeñoño: Oꞌch nesñetholle notoseph theꞌpaꞌ xhopha tanterrtsa.

Allempo eñorena atethpaꞌ allñapaꞌ waxhaꞌta ñeñth wetsa amhchaꞌtareth Jairo paꞌpaklloth. Ñetña wapoetpaꞌ ateth otoset Jairo: —Peseñpaꞌ oꞌkaꞌye rroma. Theꞌñapaꞌ amach alloꞌna phatsrreꞌmoxhtanaꞌtatsche Maestro oꞌch kotherreph pepakllo. Jesúsña amaꞌt eꞌman ateth otoset Jairopaꞌ ñañapaꞌ ateth otan Jairo ñeñth amhchaꞌtarethtetsa judioneshaꞌ poꞌprawo: —Phapaꞌ amach xha peꞌcharrtatatsto peyoxher, nachña eꞌñe peyemta.

Allempoña Jesúspaꞌ ateth otosan oneñeth ñeñth chorrenaya ñeñth yakmar, ateth otos: —Oꞌch oneñethe notoseph theꞌñapaꞌ ¡pekexhpaꞌner añ acheñer! Ñeñthoꞌmarña ñeñth chorrena oneñethpaꞌ rranosa womenkpaꞌ ateth otapan Jesús: —Esoꞌmarwachkaꞌye Jesúsochaꞌ phatsrreꞌmoxhtanaꞌtosna, phapaꞌ ñeñtheph Ñeñth nanak Parets Poechemereph. Theꞌpaꞌ oꞌch notapaph eꞌñe Parets paꞌsoꞌchño, amach xha pekoñchatatstosno. Jesúsñapaꞌ alla oterranerr ñeñth chorrena oneñeth: —Phapaꞌ ¿esoꞌtña pesoꞌcheñ? Ñañapaꞌ ateth oterranerr Jesús: —Napaꞌ añ nesoꞌcheñ Legión tharroꞌmar yapaꞌ nanak patonrey.