Popular Bible Verses from Mak 7

Share

Sé sa ki an tjè moun ki ka fè yo katjilé sa ki pa bon, yo ka viv an lavi malpwòp, yo ka vòlè, yo ka tjwé, yo ka fè adiltè, yo vowas, yo ka fè movèzté, yo ka kwennen, yo ka viv an vyé lavi, yo ka jalou, yo ka nwèsi non lézòt, yo ka kwè yo enpòtan, yo kouyon. Sé tout sé bagay sala ki ka sòti andidan an nonm ki ka anpéché Bondyé aksèptéʼy.”

I pa ni anyen dèwò an moun ki antwé an bouch li ki sa anpéché Bondyé aksèptéʼy. Mé sé bagay-la ki ka sòti an tjè an moun-an, sé sa ki ka anpéché Bondyé aksèptéʼy. [

Jézi wéponn yo, “Pwòfèt Izaya pa té manti lè i té déklawé pawòl Bondyé konsèné zòt! Zòt ipokwit menm mannyè i té ékwi an liv li lontan, i di, ‘Sé moun sala ka ban mwen lonnè épi bouch yo, mé an tjè yo, yo pa ka ban mwen pyès lonnè.

Yo ka adowé mwen an ven, paski yo ka enstwi konmandman nonm fè akwèdi yo té lwa Bondyé.’

“Zòt mété lwa Bondyé-a asou koté épi zòt ka obéyi lwa nonm.