Popular Bible Verses from NAI VAKATAKILA I JONI 20

Share

Ia sa biu ki na drano bukawaqa ko koya yadua sa sega ni volai e nai vola ni bula.

Ia ka'u a raici ira era a mate, na tamata lalai kei na turaga, era sa tu e na mata ni Kalou; a sa tevuki nai vola eso: e dua tani tale nai vola sa tevuki, ai vola ni bula: ia na mate era sa lewai mai na ka sa volai e nai vola, me vaka na nodra i valavala.

Ia na wasawasa sa soli ira na mate era sa tiko kina, o mate talega kei bulu erau sa soli ira na mate era sa tiko kina; a sa lewai ko ira na tamata yadua me vaka na nodra i valavala. Ia ko mate kei bulu talega erau sa biu ruarua ki na drano bukawaqa. Sai koya oqo nai karua ni mate, io na drano bukawaqa.

IA ka'u a raica e dua nai tikotiko-vakaturaga e levu ka vulavula, kei koya talega sa tiko kina, a sa dro tani mai vua ko vuravura kei lomalagi; a sa sega na vanua e kune me rau tiko kina.

IA ni na sa oti e dua na udolu na yabaki, ena qai sereki tale ko Setani mai na vale-ni-veivesu sa tiko kina, ena qai lako tani yani ko koya me temaki ira na veivanua era sa tiko e na yasa i vuravura e va, ko Koki kei Mekoki, me vakasoqoni ira vata me ra vala: a kedrai wiliwili sa vaka na mata ni nuku ni matasawa.